عیدین
کے دن نماز اشراق؟
سوال :
ایک شخص ہمیشہ اشراق پڑھتا ہے ، تو کیا عیدین کے دن نماز عید سے قبل وہ اشراق
پڑھ سکتا ہے ؟
جواب:
عیدین کے دن سورج کے طلوع ہونے کے بعد نماز عید سے قبل رسول اللہ ﷺ سے نماز
پڑھنا ثابت نہیں بلکہ روایت میں ہے کہ آپ نماز عید سے قبل کوئی نماز نہیں پڑھتے
تھے ، حضرت ابو سعید خدری رضی اللہ عنہ فرماتے ہیں: كان رسول الله صلى
الله عليه وسلم، «لا يصلي قبل العيد شيئا، فإذا رجع إلى منزله
صلى ركعتين»
(سنن ابن ماجۃ : 1293) اس لئے
فقہاء کرام نے عیدین کے دن سورج طلوع ہونے كے بعد عید گاه ميں یا گھر میں نفلی نماز پڑھنا مكروه قرار ديا ہے ، علامہ سرخسی علیہ الرحمۃ لكھتے ہیں: لا يفعل ذلك في بيته
ولا في المصلى فأول الصلاة بعد طلوع الشمس في هذا اليوم صلاة العيد ( مبسوط سرخسي:
1/158)
